Gjatë vizitës së saj në Tiranë, Ministrja e Jashtme, znj. Bakojani, u prit në takime të veçanta nga Presidenti i Republikës, z.Bamir Topi, Kryeministri z.Sali Berisha, dhe Kryetarja e Kuvendit znj.Jozefina Topalli.
Pjese e bisedimeve ne tryezen e rrumbullaket ne Keshillin e Ministrave ishte dhe Kryetarja e Komitetit Shteteror te Minoriteteve Zonja Konstantina Bezhani.
Gjatë takimit, biseduan mbi perspektivën e anëtarësimit të Shqipërisë në NATO në Samitin e Bukureshtit, mbi procesin e integrimit në BE, rreth zhvillimeve në rajonin tonë e në veçanti ato në Kosovë, si dhe mbi ecurinë e bashkëpunimit dypalësh.
Ministrja Bakojani nga ana e saj, duke theksuar se Shqipëria ka bërë progres të rëndësishëm në drejtim të ecurisë së saj euro-atlantike, shtoi se qeveria greke do të vazhdojë të mbështesë sinqerisht Shqipërinë për marrjen e ftesës së merituar për anëtarësim në NATO. Në kontekstin e integrimit, znj. Bakojani theksoi gjithashtu se së shpjeti do të përcillet MSA-ja për ratifkim në parlamentit grek, si shprehje e vullnetit politik të Greqisë.